سمير صبيح شكالولك عليه

للشاعر العراقي سمير صبيح
قصيده ((شكالولك عليه))

شكالولك عليه )

شكالولك عليه وصار وجهك سيف

وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساترولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك ؟! تكتل الحرگه
ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
ما يدري الوكت لو عكس هدة خيل
اللي يطيح بدربهه جدامهه تسحگه
وذبحني مناطرك غيم ومطرها يطيح
گظت شوغات روحي لهفة الملگه
مثل فزة مفارك من تجيني بطيف
اشبكنك وافز وكلشي ما ألگه
مو ذنبي تره لبعض البشر مالوك
لان طبعي صريح وراسي مادنگه
اللؤلؤء باللضم كلش جميل يصير
بس هوه الحجي عالرگبه التعلگه
للشاعر سميرصبيح

تسلم يمينك ... ولاهنت
.
ع هالابيات والجميله
واكيد احنا بنتظار ما يجود به قلمك هنااا
لك جل التحايا

ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
==
تسلم يا ورده على روعة الاختيار
سمير صبيح من شعراء الشعر الشعبي العراقيين الرائعيين جداً
باقات ورد تُرافِقُها تحياتي
فائق تقديري وأحترامي

سيدتي واختي الغاليه الشحشوح
فروع سطورك وكلماتك ولحنك واختيارك
الذى اتفنت عزفه بعثر كلماتى جعلنى اضع
القلم على الورقه ولا اجد نتيجه منه لم يكتب
حتى لو كلمه لانه يعرف ضعفه امام حروفك
اخوك النوار